Сайттан издөө
Сайттан издөө
Кыргыз Республикасынын Президенти

Президент Алмазбек Атамбаев Балыкчы-Тамчы-Чолпон-Ата-Корумду автожолун реконструкциялоонун жүрүшү менен таанышты

Кыргыз Республикасынын Президенти Алмазбек Атамбаев  бүгүн, 28-июлда Ысык-Көл областына иш сапарынын алкагында Балыкчы-Тамчы-Чолпон-Ата-Корумду автожолун реконструкциялоонун жүрүшү менен таанышты.

Автожолдун 47-чакырымындагы оңдоо иштери менен таанышуу учурунда транспорт жана жолдор министри  Замирбек Айдаров Мамлекет башчысына республикалык бюджеттен каржыланган долбоор боюнча оңдолуп жаткан жолдун узундугу 104 чакырымды түзөөрүн маалымдады.

Президент Алмазбек Атамбаев Транспорт жана жолдор министрлигине  оңдоо иштерин өз убагында жана сапаттуу бүткөрүү үчүн Балыкчы-Тамчы-Чолпон-Ата-Корумду автожолун реконструкциялоонун жүрүшүн көзөмөлгө алууну тапшырды.

2016-жыл 28-июль