Сайттан издөө
Сайттан издөө
Кыргыз Республикасынын Президенти

Президент Алмазбек Атамбаев Балыкчы шаарынын Абдрахманов атындагы көчөсүн капиталдык оңдоонун жүрүшү менен таанышты

Кыргыз Республикасынын Президенти Алмазбек Атамбаев  бүгүн, 28-июлда Ысык-Көл областына иш сапарынын алкагында  Балыкчы шаарынын Абдрахманов атындагы көчөсүн капиталдык оңдоонун жүрүшү менен таанышты.

Таанышуу учурунда транспорт жана жолдор министри  Замирбек Айдаров Мамлекет башчысына жолду капиталдык ремонттоого бюджеттен 160 миллион сом  бөлүнгөнү тууралуу маалымат берди.   Оңдолгон соң бул төрт тилкелүү автожолдун узундугу 18 метр болот. Бардык оңдоо иштерин быйыл август айынын соңуна чейин бүткөрүү мерчемделүүдө.

Президент Балыкчы шаарынын жашоочулары үчүн бул башкы автожолдун маанилүү экенин белгилеп, бардык оңдоо иштерин өз убагында жана сапаттуу бүткөрүүнү тапшырды.

2016-жыл 28-июль