Сайттан издөө
Сайттан издөө
Кыргыз Республикасынын Президенти

«Накта териден жасалган кийим предметтери, кийимге тиешелуулор жана башка буюмдар» товардык позициясы боюнча товарларды контролдук белгилер менен маркалоону киргизуугө тийиштүү долбоор боюнча макулдашууну ратификациялоо тууралуу Мыйзамга кол коюлду

Кыргыз Республикасынын Президенти Алмазбек Атамбаев «2015-жылдын 8-сентябрында Гродно шаарында кол коюлган «Накта териден жасалган кийим предметтери, кийимге тиешелүүлөр жана башка буюмдар» товардык позициясы боюнча товарларды контролдук (идентификациялык) белгилер менен маркалоону киргизүү боюнча пилоттук долбоорду 2015-2016-жылдары ишке ашыруу жөнүндө макулдашууну ратификациялоо тууралуу» Кыргыз Республикасынын Мыйзамына кол койду.

Мыйзам 2016-жылдын 22-июнунда Кыргыз Республикасынын Жогорку Кенеши тарабынан кабыл алынган.

Бул Макулдашуу «Накта териден жасалган кийим предметтери, кийимге тиешелүүлөр жана башка буюмдар» товардык позициясы боюнча пилоттук долбоорду 2015-2016-жылдары Евразия экономикалык бирлигинин аймагында жүзөгө ашырууда  контролдук маркалоо жөнүндө чечим кабыл алынган товарларды контролдук (идентификациялык) белгилер менен маркалоону киргизүүнүн тартибин аныктайт.

Макулдашуунун жүзөгө ашыруу контрафакт азыктарды өндүрүүгө, ошондой эле аларды Евразия экономикалык бирлигинин бажы аймагына  контрабанда жолу менен алып кирүүгө бөгөт коюп, көмүскө экономиканын үлүшүн азайтат.

Мыйзам расмий жарыялангандан тартып, 10 күн өткөндөн кийин күчүнө кирет.

2016-жыл 22-июль