Сайттан издөө
Сайттан издөө
Кыргыз Республикасынын Президенти

Президент Алмазбек Атамбаев финансы министри Адылбек Касымалиевди кабыл алды

Кыргыз Республикасынын Президенти Алмазбек Атамбаев бүгүн, 19-июлда өлкөнүн финансы министри Адылбек Касымалиевди кабыл алды.

Жолугушууда быйылкы жылга карата республикалык бюджеттин аткарылышына байланыштуу маселелер талкууланды.

Адылбек Касымалиев республикалык бюджеттин киреше бөлүгүн чыңдоо жана мамлекетик каражаттарды пайдалануунун натыйжалуулугун жогорулатуу үчүн көрүлүп жаткан чаралар жөнүндө баяндап берди. Министр ошондой эле мамлекеттик казынанын чыгымдарынын негизги багыттарына да токтолду.

Президент Алмазбек Атамбаев чыгымдар боюнча мамлекеттин бардык милдеттенмелерин өз убагында жеткиликтүү деңгээлде аткаруунун зарылчылыгын жана өлкө жарандарынын алдындагы социалдык милдеттенмелерди туруктуу каржылоонун маанисин белгиледи.

2016-жыл 19-июль