Сайттан издөө
Сайттан издөө
Кыргыз Республикасынын Президенти

“Салттуу билимдерди коргоо жөнүндө” Кыргыз Республикасынын Мыйзамына өзгөртүүлөр жана толуктоолор киргизилди

Кыргыз Республикасынын Президенти Алмазбек Атамбаев “Салттуу билимдерди коргоо жөнүндө“ Кыргыз Республикасынын Мыйзамына   өзгөртүүлөрдү жана толуктоолорду киргизүү тууралуу” Кыргыз Республикасынын Мыйзамына кол койду.

Мыйзам Кыргыз Республикасынын Жогорку Кеңеши тарабынан 2015-жылдын 24-июнунда кабыл алынган.

Мыйзамдын максаты - “Салттуу билимдерди коргоо жөнүндө” Мыйзамдын жоболорун    Конституцияга, “Кыргыз Республикасынын Өкмөтү жөнүндө”  конституциялык мыйзамга, “Кыргыз Республикасынын укук ченемдик актылары жөнүндө”, “Мамлекеттик пошлина жөнүндө” Мыйзамдарга ылайык келтирүү.

Кабыл алынган Мыйзамдын негизги жоболору Өкмөттүн салттуу билимдерди коргоо чөйрөсүндөгү ыйгарым укуктарын аныктоого жана тактоого багытталган.

Мыйзам расмий жарыяланган күндөн тартып он күн өткөндөн кийин күчүнө кирет.

2015-жыл 23-июль