Соттолгон адамдарды өткөрүп берүү жөнүндө Иран Ислам Республикасы менен Макулдашууну ратификациялоо тууралуу Мыйзамга кол коюлду

Кыргыз Республикасынын Президенти Алмазбек Атамбаев «2015-жылдын 5-сентябрында Тегеран шаарында кол коюлган Соттолгондорду өткөрүп берүү жөнүндө Кыргыз Республикасы менен Иран Ислам Республикасынын ортосундагы Макулдашууну ратификациялоо тууралуу» Кыргыз Республикасынын Мыйзамына кол койду.

Мыйзам Кыргыз Республикасынын Жогорку Кенеши тарабынан 2016-жылдын  19-октябрында кабыл алынган.

Макулдашуунун максаты – Кыргыз Республикасы менен Иран Ислам Республикасынын ортосунда соттолгон адамдарды андан ары жазык мөөнөтүн өтөө үчүн өткөрүп берүү чөйрөсүндөгү укуктук базаны түзүү.

Мыйзам расмий жарыяланган күндөн тартып, 10 күн өткөндөн кийин күчүнө кирет.

23-ноябрь, 2016-жыл
Басып чыгаруу