Сайттан издөө
Сайттан издөө
Кыргыз Республикасынын Президенти

Кыргыз Республикасынын Патент мыйзамына өзгөртүүлөр жана толуктоолор киргизилди

Кыргыз Республикасынын Президенти Алмазбек Атамбаев «Кыргыз Республикасынын Патент мыйзамына өзгөртүүлөрдү жана толуктоолорду киргизүү жөнүндө» Кыргыз Республикасынын Мыйзамына кол койду.

Мыйзам Кыргыз Республикасынын Жогорку Кеңеши тарабынан 2015-жылдын 4-мартында кабыл алынган.

Мыйзам Кыргыз Республикасынын калкын саламаттык үчүн керектүү дары-дармектерди алууну камсыз кылуу максатында кабыл алынган.

Кыргыз Республикасынын Патент мыйзамына өзгөрүүлөрдү жана толуктоолорду киргизүүнүн зарылчылыгы дары-дармектердин кээ бир түрлөрүнө кымбат бааларына байланыштуу болгон. Аталган мыйзамга киргизилип жаткан түзөтүүлөр Кыргыз Республикасынын рыногун арзан генерикалык (оригинал дармектерге аналогдор) дары-дармектери менен камсыз кылууга шарт түзөт.

Мыйзам расмий жарыяланган күндөн тартып он күн өткөндөн кийин күчүнө кирет.

2015-жыл 15-апрель