Президент Алмазбек Атамбаев жумушчу сапар менен Нарын облусуна келди

Кыргыз Республикасынын Президенти Алмазбек Атамбаев бүгүн, 7-сентябрда жумушчу сапар менен Нарын облусуна келди.

Жумушчу сапардын алкагында Президент  эртең, 8-сентябрда Мамлекеттик ипотекалык компания тарабынан ишке ашырылып жаткан «Арзан турак жай 2015-2020-жылдары» программасынын алкагында  Нарын шаарында көп батирлүү үй курулчу жерге капсула салуу аземине катышат жана Нарын облусунун  активи жана коомчулугу менен жолугушат.

Андан соң Мамлекет башчысы Нарын облусунун Кочкор районундагы Чекилдек айылында жаңы мектептин  ачылыш  аземине катышып, Кочкор жана Жумгал райондорунун активи  жана коомчулугу менен жолугушуу өткөрөт.

7-сентябрь, 2017-жыл
Басып чыгаруу