Сайттан издөө
Сайттан издөө
Кыргыз Республикасынын Президенти

Президент Алмазбек Атамбаев Эсептөө палатасынын төрагасы Улукбек Мариповду кабыл алды

Кыргыз Республикасынын Президенти Алмазбек Атамбаев бүгүн, 19-октябрда өлкөнүн Эсептөө палатасынын төрагасы Улукбек Мариповду кабыл алды.

Жолугушууда Мамлекет башчысы 2015-жылда республикалык бюджеттин аткарылышы боюнча аудитинин жыйынтыктары, ошондой эле «2017-жылга республикалык бюджет жана  2018-2019-жылдарга прогноз жөнүндө» КР Мыйзамынын долбоору боюнча Эсептөө палатасынын корутундусу тууралу маалыматты укту.

Улукбек Марипов 2016-2020-жылдарга Эсептөө палатасынын өнүгүшүнүн  Стратегиялык пландарынын аткарылышы жана мамлекеттик финансыларды башкарууда коррупцияны алдын алуу боюнча чаралар тууралу айтып берди.

2016-жыл 19-октябрь