Сайттан издөө
Сайттан издөө
Кыргыз Республикасынын Президенти

Президент Алмазбек Атамбаев тышкы иштер министри Эрлан Абдылдаевди кабыл алды

Кыргыз Республикасынын Президенти Алмазбек Атамбаев  бүгүн, 10-октябрда тышкы иштер министри Эрлан Абдылдаевди жана Кыргыз Республикасынын Президентинин Аппаратынын орун басарынын рангасындагы тышкы саясат бөлүмүнүн башчысы Сапар Исаковду кабыл алды.

Жолугушууда Мамлекет башчысы өлкөнүн тышкы саясатынын  негизги багыттарын өнүктүрүү боюнча жүргүзүлүп жаткан иштер жана  тышкы саясаттын негизги арыктчылык багыттары тууралу маалыматтарды укту. Министр мындан тышкары Кыргызстандын тышкы саясый мекемесинин делегациясынын тышкы иштер министрлеринин Брюсселдеги «Европа Союзу - Борбор Азия» форматындагы жолугушуусуна жана Ооганстан боюнча эл аралык конференцияга катышуусунун, ошондой эле  Нидерландыга жумушчу сапардын жыйынтыктары тууралу айтып берди.

Президент Алмазбек Атамбаев менен жолугушуунун катышуучулары алдыдагы тышкы саясый иш чараларга, анын ичинде Мамлекет башчысынын Грузияга  расмий сапарына жана Жамааттык коопсуздук келишим уюмунун жамааттык коопсуздук Кеңешинин кезектеги сессиясына катышуу үчүн  Арменияга иш сапарына даярдыктын жүрүшүн талкуулады.

Президент Тышкы иштер министрлигине  тышкы саясаттын артыкчылыктарына жана негизги чет өлкөлүк өнөктөштөр менен эки тараптуу жана көп тараптуу форматтарда өз ара пайдалуу кызматташтыкты тереңдетүү боюнча практикалык кадамдарды сапаттуу ишке ашырууга байланышкан бар катар тапшырмаларды берди.

2016-жыл 10-октябрь