Сайттан издөө
Сайттан издөө
Кыргыз Республикасынын Президенти

Кыргызстандын Коопсуздук кеңешинин катчылыгы жана Өзбекстандын Президентинин алдындагы Коопсуздук кеңешинин аппараты эки тараптуу кеңешме өткөрдү

Бүгүн, 14-майда, Бишкек шаарында Кыргыз Республикасынын Коопсуздук кеңешинин катчысы Дамир Сагынбаев жана Өзбекстан Республикасынын Президентинин алдындагы Коопсуздук кеңешинин катчысы Виктор Махмудовдун  төрагалыгында эки тараптуу кеңешме болуп өттү.

Жолугушууга ошондой эле эки өлкөнүн коопсуздукту камсыз кылуу боюнча жооптуу министрликтери менен ведомстволорунун өкүлдөрү катышты.

Тараптар чек ара, ветеринардык жана фитосанитардык коопсуздук, терроризмге жана экстремизмге каршы аракеттенүү маселелерин талкуулашты.

Өзгөчө кырдаалдарга чара көрүү маселелери боюнча өз ара аракеттенүү жана кызматташуунун натыйжалуулугун арттырууга өзгөчө көңүл бурулду.

Тараптар мындан ары да Мамлекет башчыларынын жетекчилигинде кызматташтыкты өнүктүрүүнүн жана өз ара аракеттенүүнүн зарылдыгын белгилешти. 

Жолугушуунун натыйжасында тараптар Кыргыз Республикасынын Коопсуздук кеңешинин катчылыгы жана Өзбекстан Республикасынын Президентинин алдындагы Коопсуздук кеңешинин аппаратынын ортосундагы кызматташтыкты мындан ары бекемдөө жөнүндө Меморандумга кол коюшту. 

2019-жыл 14-май